14/05/2021

ເປັນເລື່ອງ

ເປັນຂ່າວ

ນະຄອນປາກເຊ ອາດຫ້າມທຸກຄົນອອກຈາກເຮືອນຂອງຕົນເດັດຂາດ ເປັນເວລາ 10 ວັນ ເພື່ອຄວບຄຸມໂຄວິດ

ວັນທີ 4 ພຶດສະພາເຈົ້ານະຄອນປາກເຊ ໄດ້ເຮັດໜັງສືສະເໜີທ່ານເຈົ້າແຂວງ ແລະ ຄະນະກຳມະການທີ່ກ່ຽວຂ້ອງພິຈາລະນາມາດຕະການທີ່ເດັດຂາດເຂັ້ມງວດຂຶ້ນຕື່ມອີກເນື່ອງການລະບາດຂອງພະຍາດ COVID-19 ກຳລັງລະບາດເປັນວົງກວ້າງຄື: ສະເໜີຂໍພິຈາລະນາຫ້າມພະນັກງານ.​ທະຫານ, ຕຳຫລວດ​, ກຳມະກອນ ແລະພໍ່ແມ່ປະຊາຊົນຫ້າມອອກຈາກທີ່ພັກຂອງຕົນຢ່າງເດັດຂາດ

ເນື່ອງຈາກວ່າ​: ປະຕິບັດມາດຕະການເຂັ້ມງວດຢູ່ກໍຍັງມີການສັນຈອນໄປມາ​ ຕາມທ້ອງຖະໜົນຫລາຍສ່ຽງຕໍ່ການແຜ່ລະບາດຂອງເຊື້ອພະຍາດກວມເອົາ ຈຳນວນ 27ບ້ານ ໃນ42ບ້ານປະຈຸບັນກວມເອົາ 64%ຂອງບ້ານທັງໝົດໃນນະຄອນປາກເຊ. ໂດຍການຫ້າມທຸກຄົນອອກຈາກເຮືອນຂອງຕົນ ແລະ ຫ້າມຈັດງານຈັດງານຕ່າງໆໃນໄລຍະ10ວັນຢ່າງເດັດຂາດ.