23/06/2021

ເປັນເລື່ອງ

ເປັນຂ່າວ

ຊົມເຊີຍ! ບໍລິຄຳໄຊ ປິ່ນປົວຜູ້ຕິດເຊື້ອໂຄວິດ ກໍລະນີທີ 58 ຫາຍດີ ແລະອອກໂຮງຫມໍ

ໃນວັນທີ 5 ພຶດສະພາຜ່ານມານີ້ ຢູ່ສູນປິ່ນປົວພະຍາດໂຄວິດ-19 ຫຼັກ 6 ເມືອງປາກຊັນ ແຂວງບໍລິຄຳໄຊ ໄດ້ຊົມເຊີຍຜົນສໍາເລັດແພດໝໍໃນການຮັກສາປິ່ນປົວຜູ້ຕິດເຊື້ອພະຍາດໂຄວິດ-19 ຫາຍດີເປັນຄົນທໍາອິດຂອງແຂວງບໍລິຄຳໄຊ ນັ້ນກໍຄືຜູ້ຕິດເຊື້ອກໍລະນີຄົນທີ 1 ຂອງແຂວງ, ຜູ້ທີ 58 ຂອງທົ່ວປະເທດ, ຢູ່ບ້ານໂພນມຸງຄຸນ ເມືອງບໍລິຄັນ ແຂວງບໍລິຄຳໄຊ ໃຫ້ກຽດເຂົ້າຮ່ວມໃນພິທີດັ່ງ ກ່າວໂດຍ ທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄໍາໄຊ, ມີຄະນະພະແນກສາທາລະນະສຸກ ແຂວງ, ຄະນະອຳນວຍການໂຮງໝໍ ແລະ ທີມງານວິຊາການເຂົ້າຮ່ວມ.


ໃນໂອກາດດຽວກັນນີ້, ທ່ານເຈົ້າແຂວງບໍລິຄໍາໄຊ ໄດ້ສະແດງຄວາມຂອບໃຈ, ຍ້ອງຍໍຊົມເຊີຍ ມາຍັງທີມງານແພດໝໍ, ພະຍາບານ ທີ່ໄດ້ຕັ້ງໜ້າເອົາໃຈໃສ່ປິ່ນປົວຄົນເຈັບທີ່ຕິດເຊື້ອພະຍາດໂຄວິດ-19 ຈົນຫາຍດີສາມາດກັບບ້ານໄດ້, ເມືອຈໍາກັດບໍລິເວນຢູ່ເຮືອນ ເພື່ອຕິດຕາມອາການຕື່ມອີກ 14 ວັນ.

ຂ່າວ-ພາບ: ບໍລິຄຳໄຊ