23/06/2021

ເປັນເລື່ອງ

ເປັນຂ່າວ

ຂວາງແທ້! ເນັ່ງສາຍກາບລັດທາງດ່ວນ ພ້ອມເອົາຕະປູໂຮຍໃສ່ທາງ ເຂດບ້ານບົວ

ເມື່ອວັນທີ 6/5/2021 ມີລາຍງານວ່າ ຜູ້ຂັບຂີ່ສັນຈອນ ກຳລັງເດີນທາງຂື້ນທາງດ່ວນ ບັນເອີ້້ນຮອດຈຸດເຂດບ້ານບົວ ພໍດີແນມເຫັນເສັ້ນເສືອກຜູກຂວາງທາງ ຈຶ່ງຟ້າວຜ່ອນລົດແຕ່ບໍ່ຫວິດ

ຈາກນັ້ນກໍໄດ້ຕຳເອົາເສືອກນັ້ນ ປາກົດວ່າແມ່ນສາຍກາບ ໂດຍລັກສະນະບໍ່ແມ່ນການຂວາງທາງຂອງສະເພາະກິດຕ້ານໂຄວິດ ຈຶ່ງໄດ້ອອກໄປສອບຖາມຄົນໃກ້ແຖວນັ້ນ

ຈຶ່ງພົບຊາຍດັ່ງຮູບອອກມາໂຕ້ຖຽງຢ່າງຟົດເດືອດ ລັກສະນະບໍ່ພໍໃຈຫຍັງບາງຢ່າງ ໄດ້ຍິນບາງຄຳລາວວ່າ ລາວເອົາຕະປູແລະເອົານໍ້າມັນລາດທາງແລະຈູດ

ເຮັດໃຫ້ລົດທີ່ຜ່ານມາເສຍຫຼັກຕອນນີ້ເຈົ້າໜ້າທີ່ຮັບຜິດຊອບກຳລັງສືບສວນວ່າເປັນຫັຍງຈື່ງເຮັດແນວນັ້ນ ລາຍລະອຽດຈະແຈ້ງພາຍຫຼັງ