23/06/2021

ເປັນເລື່ອງ

ເປັນຂ່າວ

ມອບ-ຮັບອັດຖິທະຫານອາສາສະໝັກ ແລະ ຊ່ຽວຊານຫວຽດນາມ

ປະຕິບັດຕາມນະໂຍບາຍຂອງສອງພັກ, ສອງລັດ ລາວ-ຫວຽດນາມ ກ່ຽວກັບການຊອກຫາ, ຂຸດ ຄົ້ນ, ທ້ອນໂຮມອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງ ຄາມຢູ່ແຂວງສະຫວັນນະເຂດ ເພື່ອກັບຄືນປະເທດໃນລະດູແລ້ງສົກປີ 2020-2021, ເຂົ້າຮ່ວມມອບ-ຮັບອັດຖິຄັ້ງນີ້ມີ ສະຫາຍ ພົນຈັດຕະວາ ສີ ທະວີໄຊ ຄະນະປະຈຳພັກແຂວງ ເລຂາຄະນະພັກ ຫົວໜ້າ ການເມືອງກອງບັນຊາການທະຫານແຂວງສະຫວັນນະເຂດ ຮອງຄະນະປະຕິບັດງານພິເສດແຂວງສະ ຫວັນນະເຂດ, ມີສະຫາຍ ພັນເອກ ຫງວຽນວັນຈ້ອງ ຫົວໜ້າການທະຫານກອງປະຕິບັດງານພິເສດ 584 ມີຕາງໜ້າການນຳຂອງແຂວງ ພ້ອມດ້ວຍວິຊາການສອງຝ່າຍເຂົ້າຮ່ວມ.

ສະຫາຍ ພັນເອກ ຫງວຽນວັນຈ້ອງ ໄດ້ຂຶ້ນຜ່ານບົດສະຫຼຸບໃນການຊອກຫາ, ຂຸດຄົ້ນ, ທ້ອນ ໂຮມອັດຖິທະຫານອາສາສະໝັກ ແລະ ຊ່ຽວຊານຫວຽດນາມທີ່ເສຍສະຫຼະຊີວິດໃນປາງສົງຄາມຢູ່ແຂວງ ສະຫວັນນະເຂດ ຊຶ່ງສາມາດຊອກຄົ້ນໄດ້ 24 ສົບໃນລະດູແລ້ງສົກ 2020-2021 ນີ້ ຍ້ອນຄະນະປະ ຕິບັດງານພິເສດ 2 ແຂວງສະຫວັນນະເຂດ-ກວາງຈິ ໄດ້ເອົາໃຈໃສ່ຊີ້ນຳຢ່າງໃກ້ຊິດໃນການຊອກຄົ້ນ ຕາມຕົວເມືອງທີ່ມີເປົ້າໝາຍ ໂດຍໄດ້ຮັບການຮ່ວມມື ແລະ ສະໜອງຂໍ້ມູນຂ່າວສານໄດ້ເປັນຢ່າງດີ, ສ່ວນ ຂໍ້ຫຍຸ້ງຍາກແມ່ນຂຸມຝັງສົບຂອງນັກຮົບນິລະນາມສ່ວນຫຼາຍແມ່ນຢັງຢາຍຢູ່ຕາມປ່າຮົກ, ຫ່າງໄກຈາກບ້ານ ປະຊາຊົນ, ຂໍ້ມູນກ່ຽວກັບຂຸມຝັງສົບແມ່ນມີໜ້ອຍ, ພູມສັນຖານມີການປ່ຽນແປງ, ຮູບຮ່າງລັກສະນະປ່ຽນ ຕາມການເວລາ, ເຮັດໃຫ້ການກຳນົດຈຸດຮ່ອງຮອຍຂຸມຝັງສົບພົບຄວາມຫຍຸ້ງຍາກ.


ຂ່າວ-ພາບ: ແຂວງສະຫວັນນະເຂດ