23/06/2021

ເປັນເລື່ອງ

ເປັນຂ່າວ

ເຫດໄຟໄໝ້ລົດບັນທຸກເທິງທາງດ່ວນໂຊກດີບໍ່ມີຜູ້ໄດ້ຮັບບາດເຈັບ

ໃນຕອນທ່ຽງຂອງວັນທີ 3 ມີຖຸນາ 2021 ເວລາປະມານ 12:00​ ໂມງ​ ຜ່ານມາ​ ຢູ່ຈຸດກິໂລແມັດທີ ZK18+000 ຈາກທາງສະຖານີບ້ານບົວ​ ໄປຫາ​ ສະຖານີນາຊອນຂອງທາງດ່ວນນະຄອນຫຼວງວຽງຈັນ-ວັງວຽງ ມີລົດບັນທຸກຄັນໜຶ່ງໄດ້ເກີດໄຟໄໝ້ ເຊິ່ງກີດຂວາງຊ່ອງທາງສຸກເສີນ ແລະ ຊ່ອງທາງສັນຈອນທົ່ວໄປ, ເນື່ອງດ້ວຍເຫດໄຟໄໝ້ໃນຄັ້ງນີ້ໄດ້ກໍ່ໃຫ້ເກີດຄວັນໄຟປົກຄຸມຂ້ອນຂ້າງໜາແໜ້ນ, ຈຶ່ງເຮັດໃຫ້ລົດທີ່ຕາມຫຼັງມາບໍ່ສາມາດສັນຈອນໄດ້.

ພາຍຫຼັງທີ່ພະນັກງານຄຸ້ມຄອງທາງດ່ວນ ນະຄອນຫຼວງວຽງຈັນ-ວັງວຽງ ໄດ້ຮັບແຈ້ງເຫດດັ່ງກ່າວກໍ່ໄດ້ນຳເອົາອຸປະກອນດັບເພີງໄປຍັງສະຖານທີ່ເກີດເຫດທັນທີ່ ເພື່ອຊ່ວຍເຫຼືອໃນການດັບເພີງຄັ້້ງນີ້, ພ້ອມທັງຊ່ວຍເຫຼືອຜູ້ປະສົບເຫດ, ໃນເວລາດຽວກັນນັ້ນ, ກໍ່ຮັບປະກັນຄວາມປອດໄພຂອງຜູ້ຂັບຂີ່ອື່ນທີ່ສັນຈອນໄປມາ.

ເຈົ້າໜ້າທີ່ດັບເພີງ ແລະ ເຈົ້າໜ້າທີ່ປະຖົມພະຍາບານໄດ້ໄປຮອດຈຸດເກີດເຫດ, ຕອນນີ້ຍັງບໍ່ທັນໄດ້ຮັບລາຍງານວ່າມີຄົນບາດເຈັບ ຫຼື ຄົນເສຍຊີວິດ​ ແລະ ໃນຕໍ່ໜ້າທາງດ່ວນ ຈະຕັ້ງໜ້າໃຫ້ຄວາມຮ່ວມມືໃນການສືບສວນຫາສາເຫດຂອງອຸບັດເຫດທີ່ເກີດຂຶ້ນໃນຄັ້ງນີ້.


ຂ່າວ: ທາງດ່ວນວຽງຈັນ-ວັງວຽງ