08/03/2021

ເປັນເລື່ອງ

ເປັນຂ່າວ

ພົບແລ້ວສົບ ພໍ່ຕູ້ພວງ ອາຍຸ 95 ປີ ທີ່ສູນຫາຍຢູ່ນ້ຳປຽນຢໍລະປ່າ

ນັບແຕ່ວັນທີ 3  ຕຸລາ 2020 ທີ່ທີມງານນ້ໍາປຽນ ປໍລະປາ, ປກສ ເມືອງປາກງື່ມ ແລະ ປະຊາຊົນໄດ້ພາກັນອອກຊອກຫາ ແລະ ຄົ້ນຫາ ພໍ່ຕູ້ພວງ ອາຍຸ 95 ປີ ທີ່ຍ່າງຫຼົງປ່າໃນເວລາໄປທ່ຽວກັບລູກຫຼານຢູ່ສະຖານທີ່ທ່ອງທ່ຽວນ້ຳປຽນຢໍລະປາ ຢູ່ບ້ານຊຽງແລທ່າ,​ ເມືອງປາກງື່ມ ນະຄອນຫຼວງວຽງຈັນ (ພູເຂົາຄວາຍ ) ໃນວັນທີ 3 ຕຸລາ 2020 ເວລາ 14:00​ ໂມງ.


ໃນມື້ທີ່ພໍ່ຕູ້ໄດ້ຢ່າງຫຼົງປ່າ ແມ່ນໄດ້ປະລາວໄວ້ກັບຫຼານ ໜຶ່ງຄົນຊຶ່ງມີອາຍຸ 8 ປີ ໄວ້ຢູ່ເບື້ອງລຸ່ມ ສ່ວນພໍ່ແມ່ ຫຼື ລູກເຕົ້າແມ່ນໄດ້ຍ່າງຂຶ້ນເທິງເພື່ອຍ່າງທ່ຽວຊົມແຫຼ່ງທ່ອງທ່ຽວຕາມຈຸດຕ່າງໆຂອງນໍ້າປຽນຢູ່ລະປາ ແຕ່ເມື່ອກັບລົງມາ ແມ່ນບໍ່ເຫັນພໍ່ຕູ້ ແລະ ໄດ້ສອບຖາມຫຼານ ຊຶ່ງຫຼານໄດ້ບອກວ່າພໍ່ຕູ້ໄດ້ຍ່າງເຂົ້າປ່າ ຈົນຮອດປັດຈຸບັນ

 

ໃນວັນທີ 31/01/2021 ມີປະຊາຊົນບ້ານຊຽງແລທ່າ ແຈ້ງຕໍ່ເຈົ້າໜ້າທີ່ຕຳຫຼວດວ່າ ໄດ້ເຂົ້າໄປຫາກິນໃນປ່າແລ້ວພົບສົບຄົນເສຍຊີວິດ ຊຶ່ງຄາດວ່າຈະເປັນພໍ່ຕູ້ພວງທີ່ສູນຫາຍແຕ່ ຕົ້ນເດືອນ 10/2020, ດັ່ງນັ້ນຕອນເຊົ້າຂອງມື້ຕໍ່ມາ ເຈົ້າໜ້າທີ່ຈຶ່ງໃດ້ໄປກວດສອບເບິ່ງສະຖານທີ່ຕົວຈິງ ຈຶ່ງຢືນຢັນວ່າເປັນຮ່າງເສຍຊີວິດຂອງພໍ່ຕູ້ພວງແທ້,


ເຊິ່ງຈຸດທີ່ພົບເຫັນສົບຂອງພໍ່ຕູ້ພວງແມ່ນຢູ່ນອກເຂດສະຖານທີ່ທ່ອງທ່ຽວນໍ້າປຽນ ອອກໄປທາງທິດໃຕ້ ປະມານ 6 ກິໂລແມັດ, ສ່ວນສາຍເຫດການເສຍຊີວິດ ແລະ ລາຍລະອຽດແມ່ນທາງເຈົ້າໜ້າທີ່ຈະມີການຖະແຫຼງຂ່າວເປັນທາງການ.

ຂໍສະແດງຄວາມເສຍໃຈນຳຍາດພີ່ນ້ອງຂອງພໍ່ຕູ້ພວງ.