08/03/2021

ເປັນເລື່ອງ

ເປັນຂ່າວ

ສຶກສາອົບຮົມ ສ າ ວ ຂ າ ຍ ປ ະ ເ ວ ນີ ຢູ່ເຂດບ້ານຕານມີໄຊ ພ້ອມເຈົ້າຂອງຮ້ານ

ວັນທີ 28 ມັງກອນ 2021, ພະແນກຕໍາຫຼວດຕ້ານການຄ້າມະນຸດ ນວ ສຶກສາອົບຮົມເຈົ້າຂອງ ຮ້ານອາຫານ ແລະຮ້ານກີນດື່ມ ທີ່ແອບແຝງການຄ້າຂາຍປະເວນີ ຈໍານວນ 3 ຮ້ານ ຢູ່ເຂດບ້ານຕານມີໄຊ ເມືອງໄຊທານີ ນວ ພ້ອມສາວຂາຍປະເວນີ 20 ຄົນ ແລະ ດໍາເນີນຄະດີຕາມລະບຽບກົດໝາຍອາຍາມາດຕາ 254 ວ່າດ້ວຍການຄ້າປະເວນີຂອງບຸກຄົນອື່ນ ແລະ ກົດໝາຍອາຍາມາດຕາ 260 ວ່າດ້ວຍການຂາຍປະເວນີ, ພ້ອມທັງໃຫ້ຢຸດເຊົາພຶດຕິກໍາດັ່ງກ່າວທັນທີ່ ຫັນມາປະກອບອາຊິບທີ່ສຸດຈະລິດ.

ພັທ ທອງພັນ ທີລະສັກ ຫົວໜ້າພະແນກຕໍາຫຼວດຕ້ານການຄ້າມະນຸດ ນວ ໃຫ້ຮູ້ວ່າ: ໃນວັນທີ 20 ມັງກອນ 2021 ພະແນກຕໍາຫຼວດຕ້ານການຄ້າມະນຸດ ນວ ໄດ້ລົງກວດກາຮ້ານອາຫານແລະ ຮ້ານກີນດື່ມ ທີ່ແອບແຝງການຄ້າຂາຍປະເວນີ ດັ່ງກ່າວຈຶ່ງໄດ້ນໍາຕົວພວກກ່ຽວມາສອບສວນ. ຜ່ານກາບສອບສວນພວກກ່ຽວຮັບສາລະພາບວ່າ: ໄດ້ເຊົ່າສະຖານທີ່ດັ່ງກ່າວ ເພື່ອເປີດຮ້ານກິນດື່ມ ແລ້ວຮັບເອົາຍິງສາວມາເສີບອາຫານ ແລະ ເຄື່ອງດື່ມແບບລັກສະນະບໍ່ມີເງິນເດືອນ, ກິນຢູ່ພັກເຊົາຢູ່ນຳພາຍ ໃນຮ້ານ ໂດຍຈະໄດ້ຮັບຄ່າຕອບແທນເປັນເປີເຊັນຂອງການຂາຍເບຍ ພ້ອມທັງອາໄສສະຖານທີ່ດັ່ງກ່າວ ເປັນບ່ອນຂາຍປະເວນີ.


ຫົວໜ້າພະແນກຕໍາຫຼວດຕ້ານການຄ້າມະນຸດ ນວ ຍັງໃຫ້ຮູ້ອີກວ່າ: ບຸກຄົນໃດຫາກຫາກິນດ້ວຍການຂາຍປະເວນີໃຫ້ຜູ້ອື່ນເສບສົມຈະຖືກລົງໂທດຕາມລະບຽບກົດໝາຍ ແລະ ຍັງໄດ້ຮຽກຮ້ອງໃຫ້ບັນດາຊາຍໜຸ່ມ, ຍິງສາວທີ່ມາຈາກຕ່າງແຂວງ, ນັບທັງໃນຕົວເມືອງທີ່ມີຈຸດປະສົງມາຊອກວຽກ ເຮັດງານທໍາ ຢູ່ນະຄອນຫຼວງວຽງຈັນ ຈົ່ງມີສະຕິໃນການປະຕິບັດຕາມກົດໝາຍ ແລະ ຮີດຄອງປະເພ ນີອັນດີງາມຂອງຊາດ,ພ້ອມໃຫ້ເອົາໃຈໃສ່ຕັ້ງໜ້າປະກອບສ່ວນຮັກສາຄວາມສະຫງົບຢູ່ໃນສັງຄົມ ໃຫ້ມີຄວາມເປັນລະບຽບຮຽບຮ້ອຍ.