18/04/2021

ເປັນເລື່ອງ

ເປັນຂ່າວ

ປີຜ່ານມາ ເມືອງທ່າແຕງ ສົ່ງສິນຄ້າອອກໄດ້ທັງໝົດ 99 ຕື້ກວ່າກີບ

ທ່ານ ຄອນສະຫວັນ ພັນໂຊດ ກໍາມະການພັກເມືອງ ຫົວໜ້າຫ້ອງການອຸດສາຫະກຳ ແລະ ການຄ້າ ເມືອງທ່າແຕງ ແຂວງເຊກອງ ໄດ້ໃຫ້ສຳພາດເມື່ອທ້າຍເດືອນມີນາຜ່ານມາວ່າ: ສາເຫດທີ່ ພາໃຫ້ມູນຄ່າການສົ່ງອອກສິນຄ້າຢູ່ເມືອງທ່າແຕງເພີ່ມຂຶ້ນ ຍ້ອນລັດຖະບານໄດ້ມີການຊຸກຍູ້ສົ່ງເສີມ ປະຊາຊົນ ຫັນມາສູ່ການຜະລິດເປັນສິນຄ້າຫຼາຍຂຶ້ນ

ຊຶ່ງຫ້ອງການອຸດສາຫະກຳ ແລະ ການຄ້າ ກໍຄື ໜ່ວຍງານທີ່ກ່ຽວຂ້ອງໄດ້ສ້າງທຸກເງື່ອນໄຂ ເພື່ອຊຸກຍູ້ສົ່ງເສີມການຜະລິດເສດຖະກິດທຳມະຊາດ ໄປສູ່ ການຜະລິດເສດຖະກິດການຄ້າໃຫ້ຫຼາຍຂຶ້ນ. ໃນໜຶ່ງປີຜ່ານມາ, ການນໍາເຂົ້າ ແລະ ສົ່ງອອກ ຢູ່ເມືອງ ທ່າແຕງ ບັນລຸ 157,75 ຕື້ກວ່າກີບ, ໃນນັ້ນ ການສົ່ງອອກສິນຄ້າ ບັນລຸ 99,42 ຕື້ກວ່າກີບ ທຽບ ໃສ່ປີຜ່ານມາເພີ່ມຂຶ້ນ 59,7% ແລະ ການນໍາເຂົ້າສິນຄ້າ 58,33 ຕື້ກວ່າກີບ.

ທ່ານຫົວໜ້າຫ້ອງການອຸດສາຫະກຳ ແລະ ການຄ້າເມືອງ ກ່າວໃຫ້ຮູ້ຕື່ມວ່າ: ສິນຄ້າທີ່ສົ່ງ ອອກສ່ວນໃຫຍ່ແມ່ນສິນຄ້າກະສິກຳປະເພດພືດຜັກ, ກາເຟ, ໝາກແໜ່ງ, ເຄື່ອງປ່າຂອງດົງ, ມັນຕົ້ນ ແລະ ອື່ນໆ ຊຶ່ງສະເພາະການສົ່ງອອກສິນຄ້າກະສິກຳປະເພດມັນຕົ້ນຕາກແຫ້ງ ມີມູນຄ່າສູງເຖິງ 56,70 ຕື້ກວ່າກີບ. ສ່ວນສິນຄ້າທີ່ນໍາເຂົ້າມີປະເພດເຄື່ອງໃຊ້ຄົວເຮືອນ, ເຄື່ອງໃຊ້ໄຟຟ້າ, ເຄື່ອງບໍລິ ໂພກ ແລະ ອຸປະໂພກຕ່າງໆ.

ສຳລັບທິດທາງແຜນການໃນປີ 2021 ນີ້, ທ່ານ ຄອນສະຫວັນ ພັນໂຊດ ໃຫ້ຮູ້ວ່າ: ເມືອງທ່າ ແຕງຈະສູ້ຊົນໃຫ້ມູນຄ່າສົ່ງອອກສິນຄ້າ ເພີ່ມຂຶ້ນ 5% ເທົ່າກັບ 104,39 ຕື້ກວ່າກີບ ແລະ ສິນຄ້ານໍາ ເຂົ້າໃຫ້ເພີ່ມຂຶ້ນ 5% ເຊັ່ນດຽວກັນ ຫຼື ເທົ່າກັບ 61.25 ຕື້ກວ່າກີບ.

 

(ຂ່າວ: ລັດຕະນະພອນ)