18/04/2021

ເປັນເລື່ອງ

ເປັນຂ່າວ

ຊີມັງສາມຊ້າງສີ​ວິ​ໄລ ​ຈະສ້າງອະນາຄົດທີ່ສົດໃສໃຫ້ສັງຄົມລາວ​

ບໍລິສັດ ຊີມັງຫຼວງພະບາງຈຽງເກີ ຈຳ​ກັດ​ຜູ້​ດຽວ, ​ໄດ້ສຸມ​ໃສ່​ການຜະລິດສິນຄ້າທີ່​ມີຄຸມ​ນະ​ພາບ ແລະ ມາດຕະຖານອອກສູ່ສັງຄົມ ໂດຍສະເພາະ​ແມ່ນບັນດາ ແຂວງພາກເຫນືອຂອງ​ລາວ ເຊິ່ງ​ໂຮງ​ງານມີ​ກຳ​ລັງ​ການ​ຜະ​ລິດ 2,000 ໂຕນຕໍ່ວັນ ແລະ ​ໄດ້ສ້າງວຽກເຮັດງານທໍາທີ່ ໝັ້ນຄົງໃຫ້​ກັບປະ​ຊາ​ຊົນທ້ອງຖິ່ນ.

ທ່ານ ເວີ້ນ ເຢົ່າເຊີນ, ຜູ້ຈັດການບໍລິສັດ ຊີມັງຫຼວງພະບາງຈຽງເກີ ຈໍາກັດຜູ້ດຽວ ທີ່​ຕັ້ງ​ຢູ່ ແຂວງຫຼວງພະ​ບາງກ່າວ.
ທ່ານກ່າວຕື່ມວ່າໂຮງ​ງານຊີມັງຫຼວງພະບາງຈຽງເກີ ແລະ ອີກ​ໂຮງ​ງານ​ແຫ່ງໜຶ່ງຕັ້ງຢູ່ ແຂວງອຸ​ດົມ​ໄຊ, ​ໄດ້​ລົງ​ທຶນ​ໂດຍບໍ​ລິ​ສັດ ຊີ​ມັງ​ກຸ່ຍ​ໂຈຈຽງ​ເກີ ຈຳ​ກັດ ​ທີ່ເປັນ​ໜຶ່ງ​ໃນ​ບໍ​ລິ​ສັດ​ຂອງ​ກຸ່ມ​ບໍ​ລິ​ສັດຊຽງ​ເມິງຢົງຟຸກຸ່ຍ ຈາກ ສ​ປ ຈີນ. ສອງ​ໂຮງ​ງານນີ້ ເປັນ​ໂຄງ​ການ​ທີ່ນອນ​ຢູ່​ໃນ (ໜຶ່ງ​ແລວ​-ໜຶ່ງ​ເສັ້ນ​ທາງ) ແລະ ຜະ​ລິດ​ຕະ​ພັນ​ຂອງ​ບໍ​ລິ​ສັດ​ນີ້ ແມ່ນ​ຊີ​ມັງກາຊ້າງ 3 ໂຕ.

ທ່ານ ເວີ້ນ ເຢົ່າເຊີນ ໄດ້​ໃຫ້ການ​ສຳ​ພາດ​ຕໍ່​ນັກ​ຂ່າວ​ໜັງ​ສື​ພິມ​ວຽງ​ຈັນ​ທາຍ​ ໃນ​ທ້າຍ​ອາ​ທິດ​ແລ້ວນີ້​ວ່າ: ບໍ​ລິ​ສັດ​ຂອງ​ພວກ​ເຮົາ ​ກຳ​ລັງສຸມ​ໃສ່ຜະ​ລິດ ແລະ ສະ​ໜອງຊີ​ມັງ​ທີ່​ມີ​ຄຸນນ​ະ​ພາບ​ສູງໃຫ້​ແກ່​ລູກ​ຄ້າ.

ບໍ​ລິ​ສັດ ຊີ​ມັງກຸ່ຍ​ໂຈຈຽງ​ເກີ ຈຳ​ກັດ ໄດ້​ເຂົ້າ​ມາ​ຊື້​​ໂຮງງ​ານ​ຊີ​ມັງຢູ່ຫຼວງ​ພະ​ບາງ​ໃນເດືອນ 6 ປີ 2017.
ທ່ານ ເວີ້ນ ເຢົ່າເຊີນ ເວົ້າ​ວ່າ: ພວກ​ເຮົາ​ສະ​ໜອງ​ຜະ​ລິດ​ຕະ​ພັນ​ໃຫ້ 8 ແຂວງພາກ​ເໜືອ ເພື່ອ​ນຳ​ໃຊ້​ເຂົ້າ​ໃນ​ໂຄງການກໍ່​ສ້າງ​ທາງດ່ວນລາວ-ຈີນ.

ພວກ​ເຮົາ​ ຈະ​ນຳ​ເຂົ້າ​ເທັກ​ໂນ​ໂລ​ຢີ​ທີ່​ທັນ​ສະໄໝ​​​ ເພື່ອ​ຮັບ​ໃຊ້ການກໍ່​ສ້າງ​ເສັ້ນ​ທາງ​ຂຶ້ນ-ລົງ​ຂອງ​ຍົນໃນ​ສະ​ໜາມ​ບິນ, ເຂື່ອນໄຟ​ຟ້າ ແລະ ຈະ​ສືບ​ຕໍ່​ສະ​ໜອງ​ຊີ​ມັງ​ທີ່​ມີຄຸນ​ນະ​ພາບ​ ໃຫ້​ແກ່​ໂຄງ​ການທາງ​ດ່ວນ ແຕ່​ວັງ​ວຽງ ຫາບໍ່​ເຕັນ, ທາງ​ດ່ວນ​ແຕ່ ແຂວງຫຼວງ​ນ້ຳ​ທາ ຫາແຂວງ ບໍ່​ແກ້ວ, ໂຄງ​ການກໍ່​ສ້າງ​ເຂື່ອນ​ໄຟ​ຟ້າ, ​ໂຄງ​ການກໍ່​ສ້າງ ສະ​ໜາມ​ບິນ, ຂົວ, ທາງອຸ​ມົງ ແລະ ໂຄງ​ການ​​ໃຫຍ່ອື່ນໆ.

ທ່ານ ກ່າວ​ຕື່ມອີກວ່າ: ຊີມັງ​ຜະ​ລິດ​ຈາກ​ໂຮງ​ງານ​ແຫ່ງນີ້ ເປັນ​ທີ່​ຍອມ​ຮັບ​ຈາກ​ປະ​ຊາ​ຊົນ ຢູ່​ບັນ​ດາ​ແຂວງ ພາກ​ເໜືອ ແລະ ພວກ​ເຂົາ​ເຈົ້າ​ບໍ່​ຈຳ​ເປັນ​​ຕ້ອງ​ຊື້​ຊີ​ມັງໃນ​ລາ​ຄາ​ແພງຈາກ​ຕ່າງ​ປະ​ເທດອີກ ເຊິ່ງ​ຊ່ວຍໃຫ້​ຫຼຸດ​ຕົ້ນ​ທຶນ​ໃນ​ການກໍ່​ສ້າງ. ບໍ​ລິ​ສັດ​ມີ​ເບີໂທ​​ສາຍ​ດ່ວນຄື: 020 92836666 ເພື່ອໃຫ້​ລູກ​ຄ້າ​ສະ​ດວກ​ໃນ​ການ​ຕິດ​ຕໍ່ ແລະ ສັ່ງ​ຊື້ຊີ​ມັງ.

ນອກ​ຈາກການ​ຜະ​ລິດ ແລະ ສະ​ໜອງ​ຊີ​ມັງແລ້ວ, ໂຮງ​ງານ​ແຫ່ງນີ້ ຍັງໄດ້​ສ້າງວຽກ​ເຮັດ​ງານ​ທຳ ແລະ ປະ​ຈຸ​ບັນກໍ່​ມີ​ຄົນ​ງານເຖິງ 230 ຄົນ, ໃນ​ນີ້​ມີຈຳ​ນວນ 190 ຄົນ ເປັນ​ຄົນພື້ນ​ຖານ​ໃນ​ທ້ອງ​ຖິ່ນ​ນັ້ນ. ໂຮງ​ງານ​ມີ​ນະ​ໂຍ​ບາຍ ແລະ ສະ​ຫວັດ​ດີ​ການ​​ທີ່​ດີໃຫ້​ແກ່ພະ​ນັກ​ງານ ແລະ ຈັດ​ກິດ​ຈະ​ກຳ​ຕ່າງໆໃນ​ໂອ​ກາດ​ພິ​ເສດ ​ເພື່ອມອບ​ເງິນ, ລາງວັນ ແລະ ວັດ​ຖຸ​ສິ່ງ​ຂອງໃຫ້​ກຳ​ມະ​ກອນ, ​ຊ່ວຍໃຫ້​ປັບ​ປຸງ​ຊີ​ວິດ​ການ​ເປັນ​ຢູ່ຂອງ​ພວກ​ເຂົາ​ໃຫ້​ນັບ​ມື້​ດີ​ຂື້ນ.

ນອກ​ຈາກນີ້, ພະ​ນັກ​ງານ ແລະ ກຳ​ມະ​ກອນ ຍັງ​ມີ​ໂອ​ກາດ​​ໄດ້​ຮັບ​ການພັດ​ທະ​ນາ​ຄວາມ​ຮູ້ ແລະ ຄວາມ​ສາ​ມາດ ໂດຍ​ຜ່ານ​ການ​ຝຶກ​ອົບ​ຮົມ ທີ່​ບໍ​ລິ​ສັດ​ໄດ້​ຈັດ​ຂື້ນ ເຊິ່່ງ​ເຮັດ​ໃຫ້​ພວກ​ເຂົາ​ມີ​ການ​ພັດ​ທະ​ນາ​ທາງ​ດ້ານ​​ວິ​ຊາ​ຊີບ ທີ່​ໄດ້​ມາດ​ຕະ​ຖານ ໄປ​ຄຽງ​ຄູ່​ກັບ​ການຂະ​ຫຍາຍ​ຕົວຂອງ​ບໍ​ລິ​ສັດ.
ສໍາລັບການຮັກສາສິ່ງແວດລ້ອມ, ບໍລິສັດມີເຕັກນິກ ເພື່ອປ້ອງກັນຂີ້ ຝຸ່ນຈາກການຜະລິດ ໂດຍຕິດ​ຕັ້ງຖົງຜ້າໃຫຍ່ ແລະ ເຄື່ອງດູດຝູ່ນຢູ່ທໍ່ປ່ອຍຝຸ່ນແຕ່ລະຈຸດ, ຮັບປະກັນສິ່ງ​ແລວ​ລ້ອມ​ໃນ​ການ​ເຮັດ​ວຽກທີ່ສະອາດໃຫ້ພະນັກງານ, ສາມາດເຮັດວຽກໄດ້ຢ່າງເຕັມທີ.
​ການນຳ​ໃຊ້​ອຸ​ປະ​ກອນ​ທີ່​ທັນ​ສະ​ໄໝ ແລະ ຊ່ຽວ​ຊານ​ຄົນ​ຈີນ ​ທີ່​ມີ​ປະ​ສົບປະ​ການ​ສູງ ​ເຂົ້າໃນ​ການ​ຜະ​ລິດໃນໂຮງ​ງານ​ຊີ​ມັງ​ແຫ່​ງນີ້, ຈະສ​າ​ມາດ​ສະ​ໜອງ​ຜະ​ລິດ​ຕະ​ພັນ​ທີ່​ມີ​ຄຸນ​ນະ​ພາບ​ສູງ ແລະ ໄດ້​ມາດ​ຕະ​ຖານ GB175-2007.

ບໍ​ລິ​ສັດ ຊີ​ມັງ​ກຸ່ຍ​ໂຈຈຽງ​ເກີ ຈຳ​ກັດ ແມ່ນ​ໜຶ່ງ​ໃນ​ບໍ​ລິ​ສັດ​ຂອງ​ກຸ່ມບໍ​ລິ​ສັດຢົງ​ຟຸ​ກຸ່ຍ ​ທີ່​ໄດ້​ລົງ​ທຶນ 210.000.000 ໂດ​ລາ ເພື່ອສ້າງ​ໂຮງ​ງານ​ຊີ​ມັງ​ສອງ​ແຫ່ງ ​ຢູ່​ແຂວງ ພາກ​ເໜືອ ຂອງ ສ​ປ​ປ ລາວ ຄື: ໂຮງ​ງານຊີ​ມັງຫຼວງ​ພະ​ບາງຈຽງ​ເກີ, ຕັ້ງ​ຢູ່ ​ບ້ານ ໂພນ​ມະ​ນີ, ເມືອງ ນ້ຳບາກ, ແຂວງ ຫຼວງ​ພະ​ບາງ ແລະ ອີກ​ໂຮງ​ງານ​ໜຶ່ງ ແມ່ນໂຮງ​ງານຊີ​ມັງອຸ​ດົມ​ໄຊຈຽງ​ເກີ ຕັ້ງ​ຢູ່ ບ້ານ ນາ​ທົ່ງ, ເມືອງ ນາ​ໝໍ້, ແຂວງ ອຸ​ດົມ​ໄຊ.

ພາຍ​ໃຕ້​ຂໍ້​ລິ​ເລີ່ມຂອງ(ໜຶ່ງ​ແລວ​ທາງ-ໜຶ່ງ​ເສັ້ນ​ທາງ) ທີ່ ທ່ານ ຊີ ຈີ້ນ​ຜິງ, ປະ​ທານປະ​ເທດ ຂອງ ສ​ປ ຈີນ, ​ລັດ​ຖະ​ບານ​ລາວ ແລະ ຈີນ ໄດ້​ເຊັນແຜນ​ການ​ຮ່ວມ​ມື​ກ່ຽວ​ກັບ​ການ​ສົ່ງ​ເສີ່ມ​ຂໍ້​ລິ​ເລີ່ມໃນ​ ເດືອນ​ 5 ປີ 2017 ເພື່ອພັດ​ທະ​ນາ​ເສດ​ຖະ​ກິດໃຫ້​ກ້າວ​ກະ​ໂດດໃຫ້​ໃຫຍ່ຫຼວງ ລະ​ຫວ່າງ​ສອງ​ພັກໃນ​ອາ​ນາ​ຄົດ.

ຂ່າວ: ພ້ອມພົງ
ພາບ: ຄຳພັນ