18/04/2021

ເປັນເລື່ອງ

ເປັນຂ່າວ

ກຳປູເຈຍ ສັ່ງໃຫ້ຜູ້ທີ່ຕິດເຊື້ອໂຄວິດ-19 ປິ່ນປົວຢູ່ເຮືອນ

​ຕາມ​ຂ່າວ ພະນົມ​ເປັນ​ຂອງ ​ກຳປູ​ເຈຍ, ວັນທີ 7 ເດືອນເມສາ, ທ່ານ ຮຸນ​ເຊ​ນ ນາຍົກລັດ ຖະມົນຕີຂອງ ກຳປູ​ເຈຍ ສັ່ງ​ໃຫ້ ບັນດາ​ ບຸກຄະລາ​ກອນ ​ທາງ​ການ​ແພດ ກຽມ​ຕົວ ​ສຳລັບ ​ການ​ປິ່ນປົວ ຄົນ​ເຈັບ ຢູ່​ທີ່​ເຮືອນ ​ເນື່ອງ​ຈາກ​ ການ​ແຜ່​ລະບາດ ​ຂອງ ​ເຊົ້ອພະຍາດ​ ໂຄ​ວິດ-19 ເພີ່ມຂຶ້ນ ຢາງຮຸ​ນ​ແຮງທີ່​ສຸດ.

ປັດຈຸບັນ, ໂຮງໝໍ ຢູ່ກຳປູ​ເຈຍ ມີຄົນ​ເຈັບ ຢ່າງຫລວງຫລາຍ ແລະ ບໍ່ສາມາດ ຮອງຮັບຄົນເຈັບໄດ້ອີກ. ກຳປູ​ເຈຍ ​ເປັນ​ປະ​ເທດ​ໜຶ່ງ ທີ່​ພົບ​ຜູ້​ຕິດ​ເຊື້ອ​ ໜ້ອຍ​ທ່ີສຸດ​ ໃນ​ໂລກ, ແຕ່ໃນໄລຍະ​ 6 ອາທິດ​ຜ່ານມາ, ພະຍາດໂຄວິດ-19 ໄດ້ແຜ່​ລະບາດ ຢ່າງໜັກ ​ ​ເຮັດ​ໃຫ້​ມີ ​ຜູ້​ເສຍ​ຊີວິດ ເປັນ​ຄົນ​ທຳ​ອິດ ​ຂອງ​ປະ​ເທດ ​ແລະ ຍອດ​ຜູ້​ຕິດ​ເຊື້ອ​ ໄດ້ເພີ່ມ​ຂື້ນ​ແບບ​ກ້າວ​ກະ​ໂດດ 5 ​ເທົ່າ ​ເປັນ 2.824 ຄົນ.

ທ່ານ​ຮຸນ​ເຊ​ນ ກ່າວ​ຜ່ານ​ສື່​ສັງຄົມ​ ອອນ​ລາຍ​ວ່າ: ປັດຈຸບັນ, ກຳປູເຈຍ ມີ​ຄົນ​ເຈັບ ​ປິ່ນປົວ ​ຢູ່​ໂຮງໝໍ​ຕ່າງໆ ເຖິງ1.003 ຄົນ ​ແລະ ໂຮງໝໍ​ ຈະບໍ່​ສາມາດ​ ຮອງ​ຮັບ​ຄົນ​ເຈັບ ​ໄດ້​ທັງ​ໝົດ. ຍ້ອນວ່າ ຄົນ​ເຈັບ ເພີ່ມ​ຂື້ນ ​ຫລາຍ​ກວ່າ​​ຈຳນວນ ​ຜູ້​ທີ່​ປິ່ນປົວ​ ຫາຍ​ດີ. ສະນັ້ນ ຄົນເຈັບ​ ທ່ີບໍ່ມີອາການໜັກ ໃຫ້ ​ປິ່ນປົວ​ ຢູ່​ເຮືອນ.